മറവിയുടെ കറുത്ത രഥത്തില്‍
മരണത്തിന്‍റെ തണുത്ത മരവുരിയുമായ്‌
മടങ്ങുന്നതിന് മുന്‍പ്‌,
എനിക്കൊന്നു കൂടി
ചെയ്തു തീര്‍ക്കാനുണ്ട്...
ചെറിയ ചെറിയ മരണങ്ങളായ്
ഓരോ രാവിലും
ഉറക്കങ്ങളെന്നിലേക്ക്
അരിച്ചിറങ്ങുന്നതിനു മുന്‍പ്‌
ഞാന്‍ ചെയ്യാറുണ്ടായിരുന്നത്..!
ഞാന്‍ നിന്നെ ഓര്‍ക്കുകയാണ്..
എന്‍റെയോര്‍മ്മകളില്‍
നീയൊരു നൊമ്പരമായിരുന്നു..
എന്നും,
നിന്‍റെ നോവുകള്‍ പോലെ
നനുത്ത വിരല്‍ നീട്ടി
സ്വപ്നങ്ങളെന്‍റെ മനസ്സില്‍
നഖക്ഷതങ്ങളെല്‍പ്പിച്ചു.
നീയെന്‍റെ സഖിയായ്‌ തീര്‍ന്നത്
സ്വപ്‌നങ്ങള്‍
ബാധ്യതകളായ് മാറിയപ്പോഴല്ല...
പ്രത്യയശാസ്ത്രങ്ങളില്‍
പ്രണയത്തിന്‍റെ നിര്‍വചനം
മഷി പരന്നു കട്ടപിടിച്ചപ്പോഴല്ല...
ഞാന്‍ നിന്നെ സ്നേഹിച്ചത് കൊണ്ടു മാത്രം..!
ഞാന്‍ നിന്‍റെ നിഴലായ്‌ തീര്‍ന്നത്
വെയില്‍ത്തുമ്പികള്‍
സൂര്യന്‍റെ കൂട്ടിലുണര്‍ന്നത് കൊണ്ടല്ല..
നിലാവിന്‍റെ
സ്വര്‍ണ്ണനാളങ്ങള്‍
പെയ്തിറങ്ങിയത് കൊണ്ടല്ല..
നീ നിന്‍റെ നിഴലായി
എന്നെ മാറ്റിയത് കൊണ്ടു മാത്രം..!!
ഈ കടുത്ത നോവിന്‍റെ നിറങ്ങള്‍
എന്‍റെയാത്മാവില്‍
സൂചിമുനകള്‍ പോലെ
ഒലിച്ചിറങ്ങുമ്പോള്‍
എനിക്ക് ചെയ്യാനാവുന്നതും
ഇത്ര മാത്രം..;
നിന്നെയോര്‍മ്മിക്കുക...!!!
ആശംസകൾ
ReplyDeleteനന്ദി ഷാജു..
Deleteഈ കടുത്ത നോവിന്‍റെ നിറങ്ങള്‍
ReplyDeleteഎന്‍റെയാത്മാവില്‍
സൂചിമുനകള്‍ പോലെ
ഒലിച്ചിറങ്ങുമ്പോള്‍
എനിക്ക് ചെയ്യാനാവുന്നതും
ഇത്ര മാത്രം..;
നിന്നെയോര്‍മ്മിക്കുക...
വരികള്‍ ഇഷ്ടമായി .
PRAVAAHINY