ഞാന് പോലുമറിയാതെ-
യെന്നില് തുളുമ്പുന്ന
വിരഹമേഘത്തിന്റെ മര്മ്മരങ്ങള്..
നേര്ത്ത കണ്ണുനീര്ത്തുള്ളിയായ്
നീ തന്നോരോര്മ്മകള്..
നീയരികിലില്ലാത്തതാണെന്റെ സങ്കടം...!
*
നീയെന്റെയുയിരില്
ഞാനണിയുന്ന കങ്കണം..
ഈ ചുട്ടു പൊള്ളുന്ന നോവിന്റെ ചന്ദനം..
നീ തൊട്ടു നിന് മൗന-
മുണരുന്ന ചുംബനം..
നീ പൂത്തു നില്ക്കുമേകാന്തമാം ചെമ്പകം..!
*
ഞാനതിന് പല്ലവ പുടങ്ങളില് തേടി
എന്റെ ജന്മങ്ങളും..
എന്റെ സ്വപ്നങ്ങളും...
പിന്നെ,
എന്നെയും,
എന്നിലെ നിന്നെയും തോഴീ...!
No comments:
Post a Comment