അന്നു നീ കനവുകള്‍ കൊണ്ടൊ-
രത്താഴം ഒരുക്കിവെച്ചു;
നിന്‍റെ- പിഞ്ചു മോഹങ്ങളെ
ഊട്ടിയുറക്കുവാന്‍..!
പാതിപോലും നിറയാത്തൊരുദരത്തി-
ലുദാത്തമാം കവിതകള്‍ മാത്രം;
അത് നിന്‍റെ പശിയടക്കുന്നു..
നീ നിന്‍റെയഴല്‍ മറക്കുന്നു..!
തെരുവിലെക്കവിയാണ് നീ......
തീരാ- നോവിന്‍റെ കനലാണ് നീ...!
നേരുള്ള നിനവുകള്‍
എരിവുള്ള ജീവിതം
പിടയുന്ന വാക്കുകള്‍
പടരുന്ന കവിത...!!!
തെരുവിലെക്കവിയാണ് നീ......
തീരാ- നോവിന്‍റെ നിഴലാണ് നീ...!
(എരിതീയിലുരുകുന്നൊരീയലോ ജന്മം??
വറുതിയില്‍ വിരിയുന്ന
പൂക്കളോ കാലം??
ജീവിച്ചിരിക്കേ കാണാത്ത പാദങ്ങള്‍
മരണശേഷം പാടിവാഴ്ത്തുന്ന ലോകമേ...!! )
തെരുവിലെക്കവിയാണ് നീ
എന്‍റെ- ഉയിരിലെത്തിരിയാണ് നീ....!
നീ തകര്‍ത്തേതോ മതില്‍ക്കെട്ടുകള്‍
മനസ്സിന്‍റെ മേലേ പണിഞ്ഞതാണാരോ..
നീ വരച്ചിട്ടതാം പാതകള്‍ കവിത തന്‍
വിരല്‍ നീട്ടിയെന്നെ വഴി നടത്തുന്നു..
തെരുവിലെക്കവിയാണ് നീ
എന്‍റെ- ഇരവിന്‍റെ നിലവാണ് നീ..
നീ കെട്ടിയാടിയ വേഷങ്ങള്‍
നിയതിയുടെ ദോഷങ്ങള്‍ തീണ്ടിയും;
സദാചാര ത്തെരുവിലെ
വിഷപാന പാത്രമായ്
നീ തന്നെ മാറിയും....!!
ഒടുവില്‍,
ഉറുമ്പരിച്ച കവിതയായ്
നീ തന്നെ നിന്നെ വായിച്ച് വായിച്ച്.....!!
....
വര: സുരേഷ് കണ്ണന്‍
വര: സുരേഷ് കണ്ണന്‍
ഹൃദയസ്പര്‍ശിയായ വരികള്
ReplyDeleteആശംസകള്
വളരെ സന്തോഷം ചേട്ടായി
Deleteനീ വരച്ചിട്ടതാം പാതകൾ കവിത തന്‍
ReplyDeleteവിരല്‍ നീട്ടിയെന്നെ വഴി നടത്തുന്നു...നല്ല ഭാവന....നല്ല വരികള്.....നല്ല കവിത.....
സന്തോഷം .. നന്ദി വിനോദ്.. ഇനിയും വരിക :)
Delete‘എരിതീയിലുരുകുന്നൊരീയലോ ജന്മം??
ReplyDeleteവറുതിയില്‍ വിരിയുന്ന
പൂക്കളോ കാലം??
ജീവിച്ചിരിക്കേ കാണാത്ത പാദങ്ങള്‍
മരണശേഷം പാടിവാഴ്ത്തുന്ന ലോകമേ...!! ‘
കവി അയ്യപ്പന്റെ കാര്യത്തിൽ ഈ വരികൾ നൂറ് ശതമാനവും ശരിയാണ്
Valare santhosham
Deleteമനോഹരം ഭായ്
ReplyDeleteThis comment has been removed by the author.
ReplyDelete" ബാക്ക് ടു ബ്ലോഗ് "
ReplyDeleteതെരുവിലെക്കവിയാണ് നീ......
തീരാ- നോവിന്‍റെ കനലാണ് നീ...!
നേരുള്ള നിനവുകള്‍
എരിവുള്ള ജീവിതം
പിടയുന്ന വാക്കുകള്‍
പടരുന്ന കവിത...!!!
എഴുതി നിറച്ച വരികളില്‍ പിടയുന്ന മനവും
തെരുവിന്റെ ഗദ്ഗദവും ചാലിച്ച , ഇങ്ങനെയെഴുതാവൂ
എന്ന പൊള്ളത്തരങ്ങളില്‍ നിന്നും വിയര്‍പ്പിന്റെ
നേരിന്റെ തെരുവില്‍ പിടയുന്ന വരികളിലേക്കിറങ്ങിയവന്‍
അകകണ്ണ് തുറക്കുന്ന ഹൃദയവഴികളുള്ളവ .. സ്നേഹം പ്രീയനേ
Valare Mandi machaaaaa
Deleteബ്ലോഗുകളൊക്കെ ഇപ്പോളും ഉണ്ടല്ലേ..
ReplyDeleteകുറെ കാലത്തിനു ശേഷം ഇന്നാണ് ഈ സാധനം കാണുന്നത്, ഒ
രു കുഞ്ഞിക്കഥ വായിച്ച് കഴിഞ്ഞ്
ഒരു സുന്ദരൻ കവിത വായിച്ചപ്പോൾ സുഖം.. സന്തോഷം,
ഹൃദയ സ്പർശിയായ വരികള്... ആശംസകള്
Valare santhosham... Bhai....
Delete