എന്നെ ലൈക്കണേ....

Wednesday, March 18, 2015

തെരുക്കവി

അന്നു നീ കനവുകള്‍ കൊണ്ടൊ- 
രത്താഴം ഒരുക്കിവെച്ചു; 
നിന്‍റെ- പിഞ്ചു മോഹങ്ങളെ  
ഊട്ടിയുറക്കുവാന്‍..!
പാതിപോലും നിറയാത്തൊരുദരത്തി-  
ലുദാത്തമാം കവിതകള്‍ മാത്രം; 
അത് നിന്‍റെ പശിയടക്കുന്നു.. 
നീ നിന്‍റെയഴല്‍ മറക്കുന്നു..! 

തെരുവിലെക്കവിയാണ് നീ......  
തീരാ- നോവിന്‍റെ കനലാണ് നീ...! 

നേരുള്ള നിനവുകള്‍ 
എരിവുള്ള ജീവിതം 
പിടയുന്ന വാക്കുകള്‍ 
പടരുന്ന കവിത...!!! 

തെരുവിലെക്കവിയാണ് നീ......  
തീരാ- നോവിന്‍റെ നിഴലാണ് നീ...! 

(എരിതീയിലുരുകുന്നൊരീയലോ ജന്മം?? 
വറുതിയില്‍ വിരിയുന്ന 
പൂക്കളോ  കാലം?? 
ജീവിച്ചിരിക്കേ കാണാത്ത പാദങ്ങള്‍ 
മരണശേഷം പാടിവാഴ്ത്തുന്ന  ലോകമേ...!! )

തെരുവിലെക്കവിയാണ് നീ 
എന്‍റെ- ഉയിരിലെത്തിരിയാണ് നീ....! 

നീ തകര്‍ത്തേതോ മതില്‍ക്കെട്ടുകള്‍ 
മനസ്സിന്‍റെ മേലേ പണിഞ്ഞതാണാരോ.. 
നീ വരച്ചിട്ടതാം പാതകള്‍ കവിത തന്‍ 
വിരല്‍ നീട്ടിയെന്നെ വഴി നടത്തുന്നു.. 

തെരുവിലെക്കവിയാണ് നീ 
എന്‍റെ- ഇരവിന്‍റെ നിലവാണ് നീ.. 

നീ കെട്ടിയാടിയ വേഷങ്ങള്‍ 
നിയതിയുടെ ദോഷങ്ങള്‍ തീണ്ടിയും;  
സദാചാര ത്തെരുവിലെ 
വിഷപാന പാത്രമായ്  
നീ തന്നെ  മാറിയും....!! 

ഒടുവില്‍, 
ഉറുമ്പരിച്ച  കവിതയായ്  
നീ തന്നെ നിന്നെ വായിച്ച്  വായിച്ച്.....!

....
വര: സുരേഷ് കണ്ണന്‍


13 comments:

  1. ഹൃദയസ്പര്‍ശിയായ വരികള്‍
    ആശംസകള്‍

    ReplyDelete
  2. നീ വരച്ചിട്ടതാം പാതകൾ കവിത തന്‍
    വിരല്‍ നീട്ടിയെന്നെ വഴി നടത്തുന്നു...നല്ല ഭാവന....നല്ല വരികള്‍.....നല്ല കവിത.....

    ReplyDelete
    Replies
    1. സന്തോഷം .. നന്ദി വിനോദ്.. ഇനിയും വരിക :)

      Delete
  3. ‘എരിതീയിലുരുകുന്നൊരീയലോ ജന്മം??
    വറുതിയില്‍ വിരിയുന്ന
    പൂക്കളോ കാലം??
    ജീവിച്ചിരിക്കേ കാണാത്ത പാദങ്ങള്‍
    മരണശേഷം പാടിവാഴ്ത്തുന്ന ലോകമേ...!! ‘

    കവി അയ്യപ്പന്റെ കാര്യത്തിൽ ഈ വരികൾ നൂറ് ശതമാനവും ശരിയാണ്

    ReplyDelete
  4. This comment has been removed by the author.

    ReplyDelete
  5. " ബാക്ക് ടു ബ്ലോഗ് "
    തെരുവിലെക്കവിയാണ് നീ......
    തീരാ- നോവിന്‍റെ കനലാണ് നീ...!
    നേരുള്ള നിനവുകള്‍
    എരിവുള്ള ജീവിതം
    പിടയുന്ന വാക്കുകള്‍
    പടരുന്ന കവിത...!!!
    എഴുതി നിറച്ച വരികളില്‍ പിടയുന്ന മനവും
    തെരുവിന്റെ ഗദ്ഗദവും ചാലിച്ച , ഇങ്ങനെയെഴുതാവൂ
    എന്ന പൊള്ളത്തരങ്ങളില്‍ നിന്നും വിയര്‍പ്പിന്റെ
    നേരിന്റെ തെരുവില്‍ പിടയുന്ന വരികളിലേക്കിറങ്ങിയവന്‍
    അകകണ്ണ് തുറക്കുന്ന ഹൃദയവഴികളുള്ളവ .. സ്നേഹം പ്രീയനേ

    ReplyDelete
  6. ബ്ലോഗുകളൊക്കെ ഇപ്പോളും ഉണ്ടല്ലേ..
    കുറെ കാലത്തിനു ശേഷം ഇന്നാണ് ഈ സാധനം കാണുന്നത്, ഒ
    രു കുഞ്ഞിക്കഥ വായിച്ച് കഴിഞ്ഞ്
    ഒരു സുന്ദരൻ കവിത വായിച്ചപ്പോൾ സുഖം.. സന്തോഷം,

    ഹൃദയ സ്പർശിയായ വരികള്... ആശംസകള്

    ReplyDelete