എന്നെ ലൈക്കണേ....

Friday, November 23, 2012

തീക്കനല്‍ക്കവിതകള്‍..


***
1.
തീക്കനല്‍ ചൂടില്‍ നിന്റെ വിയര്‍പ്പ് പൊടി- 
ഞ്ഞിലഞ്ഞിമരച്ചോട്ടില്‍ മറന്ന ബാല്യത്തിന്‍ 
മണ്ണപ്പം ചുട്ടു, പൊള്ളിയ വിരല്‍തുമ്പില്‍
തുടിക്കുന്നതല്ലേ സാക്ഷാല്‍ കവിതയെന്‍ മഹാശയാ..!

2.
രാഷ്ട്രമീമാംസയെ വരിച്ചു വിരിച്ച
കംബളങ്ങള്‍ നീയൊരുക്കിയിരുന്നെന്കില്‍
പരപാദസേവനത്തില്‍ നീ സ്വയം
മരിക്കാന്‍ പഠിച്ചിരുന്നെങ്കില്‍
ബുദ്ധിജീവിക്കാഷായം, മുഖസ്തുതിക്കഷായം
ബുദ്ധിക്ക് മേലെ പുതപ്പിചിരുന്നെന്കില്‍
ശീതീകരിച്ച നക്ഷത്ര സൌധങ്ങളില്‍
നിനക്കെത്ര സ്വപ്നങ്ങളെഴുതാമായിരുന്നു..!!

3.
ഭരണകൂട ഭീകരത
കൊലപാതകങ്ങള്‍ കൊണ്ട് മാത്രം
അളന്നാല്‍ തീരുന്നതല്ല..
ഒരു ദിവസം കൊണ്ടോരാളെ
നിസ്വനാക്കി, അവന്റെ വ്യസനം കൊണ്ട്
ആസനം ചൊറിയുന്ന
രണ്ടും കെട്ട ചില നിലപാടുകള്‍..!!!

4.
നീ ചുട്ടു വിളമ്പുന്ന കവിതകള്‍ മാത്രം
ബാക്കിയാവില്ല..
ബാക്കിയായാലും കേടാവാതിരിക്കാന്‍
ഫ്രീസറു വേണ്ട.!!!!

....ശുഭം...













4 comments:

  1. നീ ചുട്ടു വിളമ്പുന്ന കവിതകള്‍ മാത്രം
    ബാക്കിയാവില്ല..
    ബാക്കിയായാലും കേടാവാതിരിക്കാന്‍
    ഫ്രീസറു വേണ്ട.!!!!

    തീക്ഷണം, കൊള്ളാം
    ആശംസകൾ

    ReplyDelete
  2. എരിയുന്ന തീ ജ്വാല കൊള്ളാം...

    ReplyDelete